वसई मतदारसंघ: हितेंद्र ठाकूर व बविआच्या अस्तित्वाची लढाई*

*जिल्ह्यातील सहा विधानसभा मतदारसंघात अशा होणार लढती:

हितेंद्र ठाकूर व बविआच्या अस्तित्वाची लढाई*

 

      * बहुजन विकास आघाडीचे सर्वेसर्वा आणि विद्यमान आमदार हितेंद्र ठाकूर यांची सर्व प्रतिष्ठा या विधानसभा निवडणूकीत पणाला लागणार आहे. भाई ठाकूर यांना मतदारांपर्यंत आणून त्यांनी याची प्रचिती दिली आहे. २०१९ च्या निवडणूकीत वसई मतदासंघातून हितेंद्र  ठाकूर हे निवडून आले होते. त्यांना १ लाख २ हजार ९५० (५४.१८ टक्के) तर त्यावेळी एकत्रित शिवसेनेचे विजयी होते. २०२४ च्या लोकसभा निवडणूकीत मात्र वसई मतदारसंघातील मतदारांनी बविआची प्रचंड निराशा केली. अर्थात ही त्यावेळी काही खेळी होती की काय अशी चर्चाही रंगली. महायुतीला त्यावेळी ७६ हजार ३०७(३८.१२टक्के) मते मिळाली,तर महाविकास आघाडी ६६ हजार ८८८(३३.४१टक्के) मते मिळवून दुसर्‍या क्रमांकावर व बविआ ५०हजार ८६८(२५.४१टक्के)इतक्या मतांवर सिमीत राहून तिसर्‍या क्रमाकांवर राहिले. यावेळी महायुती व बविआमधील मतांचे अंतर २५ हजार ४३९(१२.७१ टक्के) तर महायुती व महाविकास आघाडी यांच्यातील अंतर ९४१९(०४.७१ टक्के) इतकेच राहिले होते. बविआच्या मतांपेक्षा मविआने त्यावेळी १६हजार २० इतक्या मतांची आघाडी घेतली होती.    

        २०१९ विधानसभा निवडणूकीत ह्या मतदारसंघात १ लाख ९० हजार ५९३(६२.५६ टक्के) तर २०२४ लोकसभा निवडणूकीत २ लाख १६० (५९.१२ टक्के) इतके मतदान झाले होते.३५४ मतदानकेंद्र असलेल्या या मतदारसंघाची मतदारसंख्या ३ लाख ५४ हजार ६५२ इतकी असून यामध्ये पुरुष १ लाख ८१ हजार ८९८ तर महिला १ लाख ७२ हजार ७४२ अशी विभागणी आहे. येथे बहुजन विकास आघाडीचे हितेंद्र ठाकूर विरुध्द मविआ काँग्रेसचे विजय पाटील व महायुती भाजपच्या स्नेहा दुबे अशी तिरंगी लढत आहे. याव्यतिरिक्त बसपा विजय तांबेसह तीन अपक्ष मिळून एकूण ०७ उमेदवार रिंगणात आहेत.

           याऊलट मविआ काँग्रेसचे उमेदवार विजय पाटील हे २०१९ च्या निवडणूकीत देखील उभे होते. त्यांचे व ठाकूर ह्यांच्यातील मतांचे अंतरही त्यावेळेला मोठे नव्हते.  लोकसभा निवडणूकीत मविआ व महायुतीमधील अंतर फारच कमी असल्याने  हे अंतर भरुन काढता येईल असा विश्वास  पाटील यांना आहे.ते सर्वपरिचित असून विविध उपक्रमाद्वारा ते जनतेशी जोडले गेलेले आहेत.लोकसभा निवडणूकीप्रमाणेच वसईतील ख्रिश्चन, मुस्लिम,दलित तसेच पुर्वापार काँग्रेस्।,राष्ट्रवादी शरद पवार काँग्रेस व शिवसेना ठाकरे पक्ष तसेच समाजवादी विचारांचे मतदार, त्याचबरोबरीने वसईतील विविध जनसंघटनांचा पाठिंबा यांचे बळ विजय पाटील यांच्या बाजूने उभे राहणार आहे.जिल्ह्यातील ही सर्वात प्रतिष्ठित व हितेंद्र ठाकूर तसेच बविआचे यांचे राजकीय भवितव्य ठरवणारी निवडणूक ठरणार आहे.

         २०१९ विधानसभा निवडणूकीत ह्या मतदारसंघात १ लाख ९० हजार ५९३(६२.५६ टक्के) तर २०२४ लोकसभा निवडणूकीत २ लाख १६० (५९.१२ टक्के) इतके मतदान झाले होते.३५४ मतदानकेंद्र असलेल्या या मतदारसंघाची मतदारसंख्या ३ लाख ५४ हजार ६५२ इतकी असून यामध्ये पुरुष १ लाख ८१ हजार ८९८ तर महिला १ लाख ७२ हजार ७४२ अशी विभागणी आहे.