** महाराजस्व समाधान शिबिर : पालघर जिल्ह्यात ७ मार्चच्या पहिल्याच शिबिरांना मोठा प्रतिसाद**

** महाराजस्व समाधान शिबिर : पालघर जिल्ह्यात

    ७ मार्चच्या पहिल्याच शिबिरांना मोठा प्रतिसाद**

             महसूल विभागामार्फत जिल्ह्यात माहीम, कुडूस, विक्रमगड, जव्हार, मोखाडा, चिंचणी, झरी , मांडवी अशा ०८ मंडळाच्या ठिकाणी राबविलेल्या महाराजस्व समाधान शिबिरास नागरिकांनी मोठ्या प्रमाणात उपस्थित राहून आपल्या तक्रारींचे निवारण करुन घेतल्याचे आढळून आले.

              पालघर तालुक्यातील माहीम येथे झालेल्या या शिबिराचे उद्घाटन पालकमंत्री गणेश नाईक यांच्या हस्ते झाले. त्यांनी अशा अभियानामुळे प्रशासन व जनतेतील अंतर कमी होण्यास मदत होईल असे सांगितले. या कार्यक्रमास माहीम सरपंच प्रीती पाटील, केळवा सरपंच संदीप किणी, मायखोप सरपंच महेंद्र किणी, ग्रामपंचायतींचे उप सरपंच, आमदार राजेंद्र गावित, जिल्हाधिकारी इंदु राणी जाखड, अप्पर जिल्हाधिकारी भाऊसाहेब फटांगरे, निवासी उपजिल्हाधिकारी सुभाष भागडे, पोलीस अधीक्षक यतीश देशमुख, अतिरिक्त मुख्य कार्यकारी अधिकारी रवींद्र शिंदे, उपविभागीय अधिकारी मद्नुरकर, तहसीलदार रमेश शेंडगे, नायब तहसीलदार संभाजी पावरा, मंडळ अधिकारी वसावे यांच्यासह तलाठी, ग्राम विकास अधिकारी तसेच अनेक महसूल अधिकारी उपस्थित होते.

       जिल्ह्यात ७ मार्च रोजीच्या पहिल्याच शिबिरात विविध स्वरुपात ४ हजार ३३७ इतक्या प्रकरणाचा निपटारा करण्यात आल्याची माहिती प्राप्त झाली आहे. त्याची माहिती खालीलप्रमाणे :-