पालघर जिल्ह्यातील आरोग्य व्यवस्था चिंताजनक - भाजप महिला प्रदेशाध्यक्ष आमदार चित्रा वाघ यांचे निरिक्षण

नवयुग पालघर विशेष :

पालघर जिल्ह्यातील आरोग्य व्यवस्था चिंताजनक - भाजप महिला प्रदेशाध्यक्ष आमदार चित्रा वाघ यांचे निरिक्षण

मुख्यमंत्री देवाभाऊंच्या नेतृत्वाखाली आणि आरोग्यमंत्री यांच्या प्रयत्नांमुळे राज्यात आरोग्य क्षेत्रात अनेक चांगली कामे सुरू आहेत.  परंतु तीन दिवस पालघर जिल्ह्यात वास्तव्यास राहून प्रत्यक्ष पाहिलेली परिस्थिती चिंताजनक आहे. हे म्हणणे आहे आमदार चित्रा वाघ यांचे आणि त्यांनी ते स्पष्टपणे मांडले, विधानपरिषदेत.

 आपत्कालीन परिस्थितीत रुग्णांना शेजारील गुजरात राज्य किंवा सिल्वासा येथे जावे लागते.  परंतु तेथे आयुष्मान भारत / महात्मा फुले जनआरोग्य योजनेची सुविधा लागू होत नाही   त्यामुळे आपल्या राज्यातील नागरिकांना तिथे उपचार मिळत नाहीत, ही अत्यंत गंभीर बाब त्यांनी अधोरेखित केली.

       त्या म्हणतात, पालघर जिल्ह्यातील तीन दिवसांच्या दौर्‍यात अंगणवाडी व्यवस्थेबाबत काही गंभीर बाबी निदर्शनास आल्या आणि त्या मी विधान परिषदेत ठामपणे मांडल्या. 

         जिल्ह्यात सुमारे १३० अंगणवाड्या ;५८ स्वत:च्या इमारती ; ९ भाडेतत्त्वावर ;२५ नादुरुस्त , काही  ठिकाणी ओट्यावर, अंगणात वर्ग भरवले जात असल्याचे त्यांनी निदर्शनास आणले.

     दर महिन्याला घरपोच शिधा पोचणे अपेक्षित आहे.  मात्र हा शिधा दोन महिन्यांनी दिला जातो. त्यातही तूरडाळ, तांदूळ, तेल मिक्स करून दिलेल्या आहाराला उग्र वास येतो; चव खारट आहे, जो महिलांकडून खाल्ला जात नाही किंबहुना  फेकण्यात येतो,हे वास्तव त्येंनी समोर आणले आहे.

         त्या पुढे म्हणताता, प्रोटीन पावडरमध्ये गुठळ्या आहेत. ; वय वर्ष ३ ते ६ बालकांना ८७ ग्रॅम खिचडी देण्यात येते, ज्याचा कच्चा आहार  शासनाकडून दिला जातो. ज्यात वाटाणे (कडधान्य) दिले जातात, जे भिजत नाहीत ; आहार बनवण्यासाठी २०१६ मध्ये दिलेल्या शेगड्या अनेक ठिकाणी फुटलेल्या आहेत. मॉडर्न अंगणवाडीमध्ये अद्ययावत किचन येईलही त्याचे स्वागत आहे, पण ज्या ठिकाणी अंगणवाड्या नादुरुस्त आहेत, भाडेतत्त्‌वावर आहेत किंवा मूलभूत सुविधा नाही तिथलं काय ? असा सवाल त्यांनी उपfस्थत केला आहे.

  नादुरुस्त अंगणवाड्यांसाठी निधी कधी ? ; आहाराच्या गुणवत्तेबाबत सुधारणा कधी? सर्व अंगणवाड्यांपर्यंत आधुनिक सुविधा कधी?