जिल्ह्यातील सहा विधानसभा मतदारसंघात अशा होणार लढती :

*जिल्ह्यातील सहा विधानसभा मतदारसंघात अशा होणार लढती :

पालघर मतदारसंघ : पक्ष बदलूला मतदार पुन्हा संधी देणार का ?*

        २०१९ च्या निवडणुकीत या मतदार संघातून एकत्रित शिवसेना व भाजपा युतीचे शिवसेना पक्षाचे श्रीनिवास वनगा हे निवडून आले होते. त्यांनी पक्ष फुटीनंतर शिंदे सोबत जाण्याचा निर्णय घेतला. सुरतला जाताना शिंदेसोबतची आमदार मंडळी तलासरी येथे वनगा यांच्या घरीच थांबली होती. मात्र याच वनगा यांना उमेदवारी देताना मात्र डावलण्यात आले त्यामुळे वनगांचे रडणे सार्‍या जगाने पाहिले. वनगा यांना  त्यावेळी ६८ हजार ४० (५२.५८) तर त्यांचे प्रतिस्पर्धी काँग्रेसचे योगेश नम यांना २७ हजार ७३५( २१.४३) इतकी मते मिळाली होती.याच बरोबरीने मनसेने १२८१९ (९.९१), वंचित बहुजन आघाडीने ११४६९ (८.८६) तर बसपाने २१९४( १.७)मते मिळवली होती. नोटा साठी ७१३५ (५.५१)मतदारांनी बटन दाबले होते तर २०२४ च्या निवडणुकीत पालघर मतदारसंघात महायुतीला ९३ हजार ५९१ (४७.०६) व महाविकास आघाडीला ६४ हजार ३५२ (३२.३६) व बहुजन विकास आघाडीला २३ हजार ५३० (११.८३) इतकी मते मिळाली होती. महायुती व महाविकास आघाडी यांच्यामधील मतांचे अंतर लोकसभा निवडणुकीत २९ हजार २३९ इतके होते.त्या निवडणुकी बहुजन विकास आघाडीचा उमेदवार रिंगणात होता. त्यांना  २३ हजार ५३०मते पडली होती. बहुजन विकास आघाडीने यावेळी जयेंद्र दुबळा यांना पाठिंबा जाहीर केल्याने बविआची मते महाविकास आघाडीकडे वळतील. त्यामुळेही जयेंद्र दुबळा यांचे पारडे जड होणार आहे. मागील निवडणुकीत किनारपट्टीवरील मतदारांचा फटका मविआला बसला होता. मात्र यावेळी ते चित्र पालटल्याचे दिसते.याचाही लाभ जयेंद्र  दुबळा यांना होण्याची शक्यता आहे यावेळी या दोन उमेदवारांव्यतिरिक्त अन्य नऊ मिळून ११ उमेदवार रिंगणात आहेत.

          या मतदारसंघात २०१९ विधानसभा निवडणूकीत  १ लाख २९ हजार ०८६(४७.११ टक्के) तर २०२४ लोकसभा निवडणूकीत ०१ लाख ९८ हजार ८५१ (७०.३४ टक्के) इतके मतदान झाले होते.३२४ मतदानकेंद्र असलेल्या या मतदारसंघाची मतदारसंख्या ०२ लाख ९८ हजार ५७९ इतकी असून यामध्ये पुरुष १ लाख ४९ हजार ०९० तर महिला १ लाख ४९ हजार ४६८ अशी विभागणी आहे.