नवयुग पालघर २७ जुलै २०२५

https://drive.google.com/file/d/181BClGEOlXdHA3xGe9lT9X_kTH4IR_OA/view?usp=drivesdk

नगरपरिषदेच्या नव्या प्रशासकीय इमारतीच्या बांधकामाचा दर ७२२२ रु. चौ.फूट    

       ३२,८३४ चौ.फूट बांधकामासाठी २३ कोटी ७२ लाख खर्च  होणार 

तळमजला १०२४.३४ पहिला मजला १००१.५९  व दुसरा मजला १०२४.३४ मिळून ३०५०.५७ चौरस मीटर बिल्टअप म्हणजेच  बांधकाम क्षेत्र  इतके बांधकाम या जागेत अपेक्षित आहे. 

१ चौ. मी = १०.७६३९ चौ. फूट

तर, ३०५० चौ. मी = ३०५० × १०.७६३९ = ३२,८३३.८९५ चौ. फूट

      अंदाजपत्रक आराखड्यात या इमारतीसाठी २३ कोटी ६० लाख ६३ हजार ५९७ पैसे २० इतका खर्च अपेक्षित धरला आहे. याव्यतिरिक्त स्वामीत्व धन आणि चाचणी याकरता ११ लाख ७० हजार १०४ इतकी रक्कम अपेक्षित धरली आहे. परिणामी या इमारतीसाठीचा एकूण खर्च २३ कोटी ७२ लाख ३३ हजार ७०१ इतका अपेक्षित धरला आहे. यामध्ये जीएसटीचा समावेश नाही. १८ टक्के जीएसटी धरल्यास ही रक्कम ४२ कोटी ०७ लाख २ हजार ६६ इतकी होईल. याचाच अर्थ ३२,८३३.८९५ चौ. फूटासाठी हा खर्च अपेक्षित आहे.

याचाच अर्थ इमारतीसाठीचा चौ.फूट दर ७२२२.०७ रुपये इतका होतो.

   पालघर नगरपरिषद हद्दीतील सर्वे नंबर  ११५/ए/१/२ या सर्वे नंबरवर नगरपरिषदेची ही प्रशासकीय इमारत उभी आहे. यापूर्वी या जमिनीवरील आरक्षण बदलून नगरपरिषदेने प्रशासकीय इमारतीसाठी आरक्षण घेतले आहे. या जमिनीवर नगरपरिषदेच्या अग्निशमन दलाची इमारतही उभी आहे. नगरपरिषदेची ही प्रशासकीय इमारत १२,००० चौरस मीटर म्हणजेच १२० गुंठे क्षेत्रावर उभी राहत आहे, तर उर्वरित ८० गुंठे क्षेत्र अग्निशमन दलासाठी राखीव असून सध्या त्यावर अग्निशमन दलाची इमारत उभी आहे. ही जागा ढवळे हॉस्पिटलच्या समोर, पालघर बोईसर रस्त्यावर स्थित आहे.

      वर्षभरानंतर नगरपरिषदची ही प्रशासकीय इमारत बांधून तयार होणार आहे. अवाढव्य खर्च करुन तयार होणार्‍या इमारतीत शिरण्यासाठी नागरिकांना आपल्या पायात बहुदा सोनेरी चपला/बूट वापरावे लागतील. जिथे तिथे वातानुकूलित यंत्रणा बसविलेले असेल, त्यामुळे नागरिकांना गारवा सोसण्याची पूर्वतयारी करावी लागेल. इथले फर्निचर राजवाड्यातील फर्निचर किंवा अगदी आपले मुख्यमंत्री/मंत्री महोदयांच्या कार्यालयातील फर्निचर पेक्षाही अधिक मोहक असेल.साहजिकच इथे बसणारे कार्यालयीन कर्मचारी, अधिकारी, वरिष्ठ अधिकारी आणि आमचे नगरसेवक, विविध समित्यांचे सभापती, उपनगराध्यक्ष, नगराध्यक्ष, मुख्याधिकारी यांची कार्यालये तर भव्यतेची प्रचितीच देणारी असतील.

    या कामासाठीचे अंदाजपत्रक बदलापूर येथील सल्लागारांनी बनवून घेतले तर वास्तुविशारद डोंबिवली येथील आहे पालघर जिल्ह्यातील सल्लागार किवा वास्तविशारद प्या कामासाठी उपलब्ध होऊ नये याचे आश्चर्य नेमके कशात दडले आहे हे पालघरवासीयांना शोधावे लागेल.

            खरेतर पालघर खारेकुरण रस्त्यावर सर्वे नंबर ६७ ची जागा प्रशासकीय इमारतीसाठी आणि भविष्यकालीन महानगरपालिकेच्या विस्तारित कामासाठी उपयुक्त ठरली असती. परंतु आपल्या नगरसेवकांनी केलेल्या तथाकथित अतिक्रमणाला हात लावायचा नाही किंवा त्यांच्याशी पंगा घेण्याचे टाळण्यासाठी, सर्वे नंबर ६७ मधील जागे ऐवजी ही एका कोपर्‍यात स्थित जागा निवडण्यात आली आहे.परिणामी या भागात भविष्यकालीन विस्तार शक्य नाही. नगरपरिषद प्रशासकीय इमारतीचा विस्तार तर दूरचा विषय आहे, पण यामुळे अग्निशमन दलाच्या इमारतीचा किंवा तत्सम सुविधांचा विस्तार देखील शक्य होणार नाही.

          नगरपरिषदेच्या या इमारतीसाठी खर्च येणार आहे २३ कोटी ७२ लाख ३३ हजार ७०१ इतका. नगरपरिषदेची ही इमारत ३०५०.२७ चौरस मीटर इतक्या बांधकाम क्षेत्राची असेल म्हणजेच चौरस फुटामध्ये म्हणायचे झाल्यास हे बांधकाम असेल ३२८३३ चौरस फुट इतके. या हिशोबाने प्रति चौरस फूट बांधकाम खर्च काढला तर तो बसतोय ७२२२ हजार रुपये प्रति चौरस फूट.

         आजच्या घडीला पालघर नगरपरिषद नव्हे तर आजूबाजूला बांधकामाचा येणारा खर्च आहे ,२००० ते २५०० रुपये चौरस फुट इतका. याचा अर्थ नगरपरिषदेच्या बांधकामासाठी तब्बल तीन पट इतका खर्च केला जात आहे. विशेष म्हणजे तत्कालीन नगरविकास विभागाकडून आलेल्या या कामाला तसेच कामाच्या खर्चाला तत्कालीन नगराध्यक्ष उज्ज्वला काळे व  उपनगराध्यक्ष उत्तम घरत आदिंच्या कार्यकाळात मंजुरी मिळालेली आहे. हे काम शासनाकडील वैशिट्यपूर्ण निधीतून( विशेष कर्तृत्वासाठी?) मंजूर झालेले आहे. या कामाचे वास्तूविशारद आहेत बदलापूर येथील तर सल्लागार आहेत, डोंबिवली येथील, हे ही एक विशेष.